2024-nji ýylyň 1-nji dekabrynda Saud Arabystanynyň paýtagty Er-Riýadda täze metro işe başlady. Bu metro Mekgeden soň ýurduň ikinji metrosydyr. Metro ulgamy 85 stansiýany we 176 kilometr ýoly öz içine alar diýip, TASS habar berýär.
Häzirki wagtda metronyň 3 şahasy işleýär: “gök”, “sary” we “benewşe”. Öňümizdäki hepdelerde onuň ýene iki şahasy açylar: “gyzyl” we “ýaşyl”, 2025-nji ýylyň ýanwar aýynda bolsa “mämişi” şahasy peýda bolar.
Taslamany durmuşa geçirmäge iri halkara kompaniýalary gatnaşdy.
Metronyň gurluşygy üç tapgyra bölündi. Bahasy 9,45 milliard dollar bolan birinji segment iki şahany öz içine alýar. Bu segment Amerikanyň Bechtel kompaniýasy bilen Germaniýanyň Siemens we Amerikanyň Aecom kompaniýalarynyň gatnaşmagynda gurulýar.
7,82 milliard dollarlyk Ikinji segment 3 sany umumy şahany öz içine alýar. Bu segment Ispaniýanyň Fomento de Construcciones kompaniýasy bilen fransuz Alstom we Samsung kompaniýalarynyň gatnaşmagynda gurulýar.
Iň soňky segmentiň gurluşygyna 5,21 milliard dollar gerek boldy, taslama Italiýanyň Ansaldo we Kanadanyň Bombardier we Hindistanyň Larsen & Toubro kompaniýalary tarapyndan durmuşa geçirilýär.
