ABŞ-ly alymlaryň topary dartyş güýjüniň ýok şertlerinde elektron shemalary abatlamaga ukyply 3D printeri döretdi. Phys.org neşiriniň habar bermegine görä, enjam NASA-nyň uçýan barlaghanasynyň bortunda üstünlikli synag edildi.
Barlaga Aýowa ştatynyň uniwersitetinden Şan Szýan bilen Wiskonsin-Medison uniwersitetinden Hantan Sin ýolbaşçylyk etdi. Printer 2-gidroksietilsellýuloza biopolimerine esaslanýan ýörite elektrik geçiriji syýany ulanýar.
Enjam NASA-nyň uçarynyň bortunda gysga wagtlyk mikrograwitasiýa şertlerinde synag edildi. Netijeler ýokary çözgütli elektrik zynjyrlaryny döretmegiň we bejermegiň mümkindigini tassyklady.
Alymlaryň sözlerine görä, tehnologiýa kosmosda mikroelektronikany döretmek we bejermek üçin täze mümkinçilikleri açar. Geljekde şeýle printerleri orbital stansiýalarda we kosmos gämilerinde ulanmak meýilleşdirilýär.
Barlagyň indiki tapgyry 3D çap usulynda ýarymgeçirijileri işläp taýýarlamakdan ybarat bolup, bu kosmos missiýalaryny Ýere hasam garaşsyz eder.
