Hyundai we Kia kyn şertlerde işlemegi ýeňilleşdirmek üçin ekzoskelet hödürlediler

  • 05.12.2024 12:42
  • 10k+

Hyundai Motor Company we Kia Corporation bilelikde X-ble Shoulder ekzoskeletini döretdiler. Ol dürli pudaklarda işleýänlere çylşyrymly iş wezipelerini ýerine ýetirenlerinde egne we myşsalara düşýän agramy azaltmaga kömek eder diýip, New Atlas habar berýär.

Enjam awtoulagyň aşagyndaky näsazlyklary bejerýän mehanik ýa-da jaýyň petiginiň işlerini ýerine ýetirýän gurluşykçy ýaly, ýokary seredip işlemegi talap edýän wezipelerde ulanmak üçin niýetlenendir. Täze ekzoskelet ammarlarda agyr zatlary göterip ýokarda goýmak üçin hem peýdaly bolup biler. Bu enjamyň kömegi bilen işçiler az zähmet sarp edip we saglyga howp salmazdan öz borçlaryny ýerine ýetirip bilerler.
X-ble Shoulder egne düşýän agramy 60%, myşsalaryň dartylmagyny 30% azaldar. Ol uglerod birleşmesinden ýasalan, agramy 1,9 kg we myşsalaryň öwezini doluş mehaniki ulgamy bolany sebäpli zarýad bermegi talap etmeýär. Işläp düzüjiler ekzoskeletiň ýylda 700 müň aýlawa çydap biljekdigini tassyklaýarlar.
Toplumda mehaniki komponentleri arassalamak ýa-da olaryň işini sazlamak  zerur bolanda, aňsatlyk bilen çykaryp bolýan ýumşak žilet bar.
Alyjylara iki wersiýa hödürlener: standart (2,9 kg kömekçi güýç) we sazlanyp bilinýän (3,7 kg çenli).
Öndürijileriň pikirine görä, X-ble Shoulder diňe bir gurluşykda we awtoulag önümçiliginde däl, eýsem awiasiýada, gämi gurluşygynda we oba hojalygynyň dürli pudaklarda-da peýdaly bolar.
X-ble Shoulder geljek ýylyň başynda Günorta Koreýada Hyundai-ýyň we Kia-nyň önümçilik zawodlarynda we tehniki hyzmat ediş nokatlarynda ulanylyp başlanar. Enjamy 2026-njy ýylda halkara bazarlaryna çykarmak meýilleşdirilýär. Mundan başga-da, Hyundai we Kia agyr ýük göterilýän işler (X-ble Bel) we lukmançylyk maksatlary (X-ble MEX) üçin ekzoskeletleri işläp taýýarlaýar.
Täze önümleriň bahasy entek aýan edilmedi.


05.09.2025 16:58
4.8k+

Hytaýda bedeniň ýylylygyndan elektrik energiýasyny öndürýän rezin döredildi

Pekin uniwersitetiniň barlagçylary adam bedeniniň ýylylygyny elektrik energiýasyna öwürýän rezin materialy işläp taýýarladylar diýip, South China Morning Post habar berýär. Täze tehnologiýa termoelektrik ýörelgelerine esaslanýar: bedeniň (37° C töweregi) we daşky gurşawyň (20–30 ° C) arasyndaky temperatura tapawudy elektrik energiýasyny öndürmäge mümkinçilik berýär...

26.08.2025 21:23
2.2k+

Boston Dynamics kompaniýasy Atlas robotyna çylşyrymly başarnyklary özleşdirmegi öwretdi

Boston Dynamics kompaniýasy Atlas modeliniň mysalynda adam şekilli robotlaryň ösüşiniň täze derejesini hödürledi. Indi robot diňe bir hereket etmäge ukyply bolman, eýsem Toyota Research Institute (TRI) bilen bilelikde döredilen uly özüni alyp baryş modelleriniň (LBMs) dolandyrmagynda dowamly we çylşyrymly başarnyklary ýerine ýetirip bilýär...

19.08.2025 14:32
6.7k+

Robot "ene": Hytaýda göwresinde çaga götermäge ukyply Android bar

Hytaýyň Guançžouda ýerleşýän Kaiwa Technology kompaniýasy adam düwünçegini göwrelilikden başlap, dogulýança götermäge ukyply emeli ýatgyly robotyň döredilendigini habar berdi. Önümiň bahasy 14000 dollardan gymmat däl bolup, 2026-njy ýylda bazara çykar diýlip garaşylýar...

06.08.2025 17:39
10k+

Hytaýda öz-özi arassalanýan aýna döredildi

Hytaýyň Çžeszýan uniwersitetiniň alymlary suw, himiýa ýa-da ep-esli energiýa çykdajysy bolmazdan öz-özüni arassalaýan aýnany döretdi. Ol bary-ýogy birnäçe sekuntda 98% tozany aýyrýar diýip, Interesting Engineering neşiri ýazýar...