Milliarder Ilon Mask ýene-de OpenAI-a garşy kazyýet işini gozgatdy. Ol OpenAl-yň täjirçilik guramasyna öwrülmeginiň gadagan edilmegini talap edýär. Şeýle-de Ilon Mask kompaniýany startap xAI üçin päsgelçilik döretmekde aýyplaýar diýip, CNBC habar berýär.
Aslynda, Mask OpenAI-ny esaslandyryjylaryň biridir. Bu Maskyň wekilleriniň "ChatGPT" dörediji guramasyna garşy dördünji kazyýet işidir. Bu kazyýet işine startap xAI-nyň wekilleri we OpenAI-yň dolandyryş geňeşiniň öňki agzasy Şiwon Zilis gatnaşýar. Olar OpenAI-yň täjirleşdirilmeginiň togtadylmagyny we maýa goýujylar bilen düşünişmezligiň öňüni almagy talap edýärler. Bu bolsa beýleki kompaniýalary, şol sanda xAI-y maliýeleşdirmekden saklaýar diýip pikir edýärler.
2015-nji ýylda telekeçilik däl gurama hökmünde döredilen OpenAI 2019-njy ýylda täjirçilik elementlerini goşmak üçin gurluşyny üýtgetdi. Mask başlangyç işine gatnaşmasa-da, bu karary işjeň tankytlady. Onuň gahary OpenAI-yň kompaniýanyň iň iri maýa goýujysy "Microsoft" bilen oňyn hyzmatdaşlygy netijesinde hasam güýçlendi.
"Microsoft" OpenAI-a takmynan 14 milliard dollar maýa goýdy we kompaniýanyň direktorlar geňeşine wekil hödürlemegi meýilleşdirýär. Bu ýagdaý diňe bir Maskyň arasynda däl, eýsem ABŞ-nyň monopoliýa garşy edaralarynda-da aladalanma döretdi diýip, 3dnews.ru ýazýar.
OpenAI-yň wekilleri bu aýyplamalary ret edýärler. "Ilonyň dördünji synanyşygy (OpenAI-ny kazyýete bermek) şol bir esassyz aýyplamany gaýtalaýar" diýip, kompaniýanyň beýanatynda aýdylýar.
