Şanhaýly alymlar topary millionlarça ýyl ozal uly meteorit çaknyşygy netijesinde emele gelen ullakan Haýlin kraterini tapdylar. Bu açyş “Matter and Radiation at Extremes” (MRE) žurnalynda çap edildi diýip, livescience.com habar berýär.
Krater Çangbaý daglarynyň 900 metr belentliginde ýerleşýär. Onuň diametri 1360 metr bolup, çuňlugy 183 metre barabardyr.
Gözlegçileriň pikiriçe, meteoritiň täsiri ýadro bombasynyň ýarylmagy bilen deňeşdirip boljak derejede güýçli partlamany döredendigi aýdylýar.
Krateriň çökündi gaýalar tarapyndan gizlenendigi we tapylmagynyň ýakynda mümkin bolandygy bellenildi. Krateriň peýda bolmagynyň takyk senesi belli däl, ýöne azyndan 20 million ýyl ozal dörändigi welin çaklanylýar.
Gözlegler krateriň çökündileriniň we gaýalaryň bölekleriniň, şeýle hem gadymy kölüň yzlarynyň bardygyny görkezdi. Alymlar şuňa meňzeş wakalaryň geljekde ýene bolup biljekdigini aýdýarlar diýip, globaltimes.cn ýazýar.
