DW neşiri InterNations guramasy tarapyndan düzülen göçüp barmak üçin iň gowy şertleri bolan ýurtlaryň reýtingini hödürledi. Sanawy düzüjiler administratiw amallary, ýaşaýyş jaýy, sanly infrastruktura we dil böwetleri ýaly görkezijileri göz öňünde tutdular.
Sanawda birinji orny Birleşen Arap Emirlikleri eýeledi. Göçüp baranlar BAE-de administratiw meseleleri çözmegiň aňsatdygyna we dil päsgelçilikleriniň ýokdugyna ýokary baha berdiler. Gozgalmaýan emläk üçin bahalaryň ýokarydygyna garamazdan (17-nji orun), ýurt onlaýn hyzmatlar we ýaşaýyş jaýyny gözlemekde döredilen mümkinçilikler üçin ýokary bal aldy.
Ikinji orny Bahreýn eýeledi. Ýurt býurokratik amallary onlaýn çözmegiň amatlydygy we dil böwetleriniň ýokdugy üçin ýokary baha aldy. Ýaşaýyş jaýy üçin baha boýunça ýurt 15-nji orny eýeleýär.
Liderleriň üçlügini Oman jemleýär. Bu ýerde dil bilmezden uýgunlaşmak aňsat, ýaşaýyş jaýy üçin baha bolsa has elýeterli (4-nji orun).
Sanlaşdyrmak we dil päsgelçilikleri boýunça ýokary baha alandygyna garamazdan, ABŞ býurokratiýa we ýaşaýyş jaýyny gözlemek bilen baglanyşykly kynçylyklar sebäpli 14-nji orny eýeledi. Günbatar Ýewropada göçüp barýanlar üçin has amatly şertleri Ispaniýa (reýtingde 18-nji orun), Niderlandlar (19), Belgiýa (21), Lýuksemburg (23), Beýik Britaniýa (26), Şwesiýa (27), Daniýa (28), Şweýsariýa (30), Finlýandiýa (33), Norwegiýa (34) hödürleýär.
