27-nji noýabrda Awstraliýanyň Wekiller palatasy we Senaty 16 ýaşdan kiçi raýatlara sosial ulgamlary ulanmagy gadagan edýän kanun taslamasyny tassyklady. Bu dünýäde şular ýaly ilkinji kanundyr diýip, Associated Press habar berýär.
Aşaky palata heniz Senatda ozal kabul edilen täze kanun taslamasy üçin düzedişleri tassyklamaly bolar, ýöne KHBS munuň diňe bir resmilikdigini belleýär. Hökümet eýýäm ylalaşylan çäklendirmeleri durmuşa geçirmäge razylyk berdi.
Kanun 2025-nji ýylyň noýabr aýynda güýje girer, şonuň üçin platformalaryň ýaş çäklendirmelerini iş ýüzüne geçirmek üçin dogry bir ýyly bar. Ýogsam, olara 33 mln ABŞ dollaryna çenli möçberde jerime salnar.
Awstraliýalylar biometrik maglumatlary ýa-da döwlet identifikasiýasyny ulanmagy göz öňünde tutýan ýaş barlamak tehnologiýasyny ornaşdyrmak isleýärler. Ýöne şeýle ýaş gözegçiligi ulgamy heniz synagdan geçmeli.
Öň, Meta we Google ýaly tehnoägirtler ýurduň hökümetini synaglar gutarýança, täze kanun taslamasyny kabul etmezlige çagyrdy.
