“Pukaralykdan çykan millioner” filminiň dowamy çykarylar

  • 28.11.2024 15:17
  • 6.7k+

Bridge7 kinokompaniýasy “Pukaralykdan çykan millioner” («Миллионер из трущоб») filminiň dowamyny çykarmaga hukuk aldy diýip, Variety habar berýär. Bu şertnama Britaniýanyň asyl filmiň döredilmegine gatnaşan Celador studiýasy bilen baglaşyldy.

Netflix-iň öňki prodýuseri Swati Şetti we CAA-nyň öňki agenti Grant Kessman tarapyndan döredilen Bridge7 kompaniýasy Celador we Film4 bilen hyzmatdaşlykda sikweliň üstünde işläp başlar. Kompaniýa öz beýanynda: "Her dürli gahrymanly her hili adam kysmatlaryny" döretmekden ugur alýandygyny aýtdy.

“Käbir hekaýatlar titrlerden soňam köp wagtlap ýatda galýar we “Pukaralykdan çykan  millioner” hem şolaryň biridir. Bu sýužet medeni we geografiki çäklerden çykyp gidýär" - diýip, Şetti we Kessman belledi.
Swati bilen Grantyň öz täze kompaniýasyny açmak üçin "Pukaralykdan çykan millioneriň" sikwelini saýlandygyna begenýärin" – diýip, öz nobatynda Celador International kompaniýasynyň başlygy Pol Smit sözüniň üstüni ýetirdi.

2008-nji ýylda düşürilen bu film iň gowy film we iň gowy režissýor ýaly baýraklary hem goşmak bilen, sekiz sany “Oskar” baýragyny aldy. Şeýle hem bu film uly kinoteatrda ilkinji gezek çykyş eden aktýor Dew Pateliň halkara derejesinde ykrar edilmegine sebäp boldy.


şu gün 12:49
513

Netflix «Kolonizatorlar» stol oýny esasynda filmleri we seriallary surata düşürer

Netflix meşhur stol oýny bolan «Kolonizatorlary» (Catan) ekranlaşdyrmaga degişli eksklýuziw hukuklary satyn aldy diýip, Deadline habar berýär. Şertnama laýyklykda, platforma oýun esasynda filmleri, multfilmleri we seriallary döretmegi meýilleşdirýär...

şu gün 10:14
2.6k+

“Türmeden gaçyşlyk” serialy resmi taýdan gaýtadan surata düşüriler

Hulu akym hyzmaty meşhur serial bolan “Türmeden gaçyşlygyň” (Prison Break) — täze görnüşiniň üstünde işleýändigini resmi taýdan yglan etdi diýip, The Hollywood Reporter habar berýär. Täze taslama asyl serialdaky ýaly bir älemde geçer...

şu gün 00:39
1.2k+

Lionsgate täze “Açlyk oýunlary: Orak möwsüminiň säheri” filmindäki keşp üçin muşdagy saýlady

Lionsgate kinostudiýasy “Açlyk oýunlary: Orak möwsüminiň säheri” (Голодные игры: Рассвет жатвы) filmi üçin açyk kastingiň ýeňijisini yglan etdi. Filme Floridadan aktýor we režissýor Dewon Singlteri gatnaşar. Ol Bleriň – Heýmitç Abernatiniň we Berd Ewerdiniň ýakyn dostunyň, Kitnissiň kakasynyň keşbini ýerine ýetirer...

şu gün 00:28
3.7k+

Alymlar iň gorkunç 10 filmi aýtdylar

“Science of Scare” britan taslamasy iň gorkunç filmleriň täzelenen reýtingini hödürledi. Hünärmenler tomaşa wagty adamlaryň pulsuny ölçäp, haýsy horror filmleriň olarda uly gorky döredýändigini kesgitledi diýip, Forbes ýazýar...