Opta statistika platformasynyň superkompýuteri 2024/2025-möwsüminde Angliýanyň premýer-ligasynyň (APL) klublarynyň geçen 12 tapgyryň jemi boýunça ýeňiş gazanmak mümkinçiliklerini çaklady.
Superkompýuteriň hasaby boýunça, “Liwerpul” ýaryşda 69,5% ähtimallyk bilen çempion bolup biler. Arne Slotuň klubuň baş tälimçisi hökmündäki ilkinji möwsümi ýokary ähtimallyk bilen altyn medal bilen tamamlanyp biler.
Häzirki wagtda topar APL-iň ýaryş jedwelinde 31 utuk bilen birinji orny eýeleýär.
Superkompýuter 8 utuk aratapawut bilen ikinji orunda gelýän “Mançester Sitini” hem ikinji faworit hasaplaýar. Hosep Gwardiolanyň topary superkompýuterden 23,3% aldy.
“Arsenalyň” mümkinçiligi bu toparlara garanyňda has az – 6,5%. Häzir klub 22 utuk bilen çempionatda dördünji orunda gelýär. “Çelsiniň” hasabynda-da şonça utuk bar, ýöne onuň ýeňiş gazanmak ähtimallygy bary-ýogy 0,6% diýlip hasaplanylýar.
