Awstriýada santehnik ussa tötänden agramy 30 kilograma barabar bolan altyn teňňelerden ybarat hazynany tapdy. Olaryň umumy bahasy 2 million funt sterling diýlip çaklanylýar diýip, The Sun gazeti ýazýar.
Hazyna gurluşyk işleri wagtynda ýerzeminden tapylypdy. Işçiniň ünsi poldan çykyp duran ýüpde eglendi. Munuň nämedigini bilmek üçin ýüpi çekdi, ýöne hiç zat çykaryp bilmedi. Soňra ussa betony döwdi we altyn teňňelerden doly sandygy tapdy. Teňňeleriň ýüzünde awstriýaly kompozitor Mosartyň portreti şekillendirilipdirler.
Şaýy pullaryň Ikinji jahan urşy döwründe gizlenendigi çak edilýär.
Awstriýanyň kanunyna görä, tapyndy ony tapan bilen binanyň eýesiniň arasynda bölünmelidir. Şeýlelikde ussa 1 million funt sterling alar.
