Italiýanyň tennis boýunça erkekler topary yzly-yzyna ikinji ýyl Dewisiň kubogyny aldy. Şu ýyl Ispaniýanyň Malaga şäherinde geçirilen ýaryşyň finalynda italýanlar Niderlandlaryň ýygyndysyny ýeňdi diýip, championat.com ýazýar.
Ilkinji duşuşykda italýan tennisçisi Matteo Berrettini öz garşydaşy Botik wan de Zandshulpy 6:4, 6:2 hasabynda ýeňdi.
Ikinji oýunda dünýäniň birinji raketkasy Ýannik Sinner Tallon Grikspory 7:6 (7:2), 6:2 hasabynda ýeňdi.
Bu Italiýanyň Dewisiň kubogynyň taryhynda üçünji ýeňşidir. Topar ilkinji gezek 1976-njy ýylda ýeňiş gazandy. Ondan 47 ýyl soň, ýagny 2023-nji ýylda bu kubagy ikinji gezek eýelemegi başardy.
Niderlandlaryň tennis boýunça milli ýygyndysy taryhynda ilkinji gezek erkekler toparynyň ýaryşynyň final oýnuna gatnaşdy.
