“Red Bulluň” niderlandly sürüjisi Maks Werstappen “Formula-1-iň” Las-Wegasyň Gran-prisi tapgyrynda bäşinji orny eýeläp, möhletinden ir dünýä çempiony boldy.
Ýaryşyň netijesinde Werstappen sürüjileriň sanawynda ikinji orunda gelýän britaniýaly Lando Norris üçin yzyndan ýetmezek boldy. Norris titul gazanmak mümkinçiligini saklamak üçin Las-Wegasyň Gran-prisinde Werstappenden üç utuk köp gazanmalydy, ýöne Norris pellehana altynjy bolup geldi.
Ýaryşyň ýeňijisi “Mersedesden” britaniýaly Jorj Rassell boldy. Ikinji orny onuň watandaşy we topardaşy Lýuis Hemilton (+7,313 sekunt) eýeledi, üçlügi “Ferrariden” ispaniýaly Karlos Saýns (+11,906) jemledi.
Şeýle-de, ilkinji onluga girdi: 4. Şarl Lekler (“Ferrari”); 7. Oskar Piastri (“Maklaren”); 8. Niko Hýulkenberg (“Haas”); 9. Ýuki Sunoda (RB); 10. Serhio Peres (“Red Bull”).
“Alpiniň” ýaryşa gatnaşyjysy fransiýaly Pýer Gasli 16-njy aýlawda, “Uilýamsdan” Aleksander Albon bolsa 26-njy aýlawda ýaryşdan çykdy.
Werstappen dördünji gezek dünýä çempiony boldy. Ol ilkinji titulyny 2021-möwsüminiň jemi boýunça gazandy. Niderlandly “Formula-1-iň” çempionaty azyndan dört gezek utan altynjy gatnaşyjysy boldy. Rekord germaniýaly Mihael Şumahere we Hemiltona (her biri 7 titul) degişlidir.
