Pixar studiýasy indiki taslamasy bolan “Elio-nyň” täze tizer-treýlerini görkezdi. Görkeziliş 2025-nji ýylyň 13-nji iýunyna meýilleşdirilýär.
Multfilmde baý hyýaly dünýäsi we kosmosa höwesi bolan bir oglanjyk hakda gürrüň berilýär. Günlerde bir gün kosmos syýahatyny arzuw edýän Eliony gelmişekler alyp gaçýarlar we ony ýalňyşlyk bilen Ýeriň lideri hökmünde kabul edýärler. Oglanjyk dürli galaktikalaryň wekillerini öz içine alýan "Communiverse" planetalar guramasyna düşýär. Ol gelmişekler bilen aragatnaşyk gurup, galaktikalaryň arasyndaky krizisi ýeňip geçmeli bolýar.
Multfilme Edrian Molina (“Kokonyň syry”, "Тайна Коко"; “Gowy dinozawr”, "Хороший динозавр"), Madlen Şarafýan (“Hin”, "Нора") we Domi Şi (“Bao”, “Men gyzarýaryn”, "Я краснею") režissýorlyk etdiler. Gahrymanlara Ýonas Kibrib ("Sugun şahly oglanjyk", “Мальчик с оленьими рогами”), Zoi Saldana (“Awatar”, “Galaktikanyň goragçylary”, "Стражи Галактики"), Remi Ejerli ("Aýdym aýt", “Зверопой-2”), Jamila Jamil (“Zenan-Halk”, "Женщина-Халк") we beýlekiler ses berdiler.
Başda "Elio" filminiň premýerasy 2024-nji ýylyň ýazyna meýilleşdirilipdi, ýöne Golliwudda bolan galmagally ýagdaý sebäpli ol yza süýşürildi.
Şu ýyl Pixar studiýasynyň "Tapmaça 2" (Головоломка 2) filmi taryhda iň köp girdeji gazanan animasion filmi bolup, 1,697 milliard dollar gazandy.
