SpaceX kompaniýasy NASA-nyň Artemis III missiýasynyň çäginde NASA-nyň kosmonawtlaryny Aýa äkitjek Starship HLS gämisiniň suratlaryny çap etdi.
Starship HLS (doly aýdanda Human Landing System diýmekdir) 1972-nji ýyldaky Apollon missiýasyndan bäri adamlary Aýa äkitjek ilkinji kosmos gämisi bolar.
Gäminiň 20-nji noýabrda synag edilen prototipden düýpgöter tapawutlydygyny bellemelidiris. Ýokarky böleginde köp sanly penjiresiniň bolmagy sebäpli, gämi eýýäm gökdirän bina bilen deňeşdirilýär.
Şeýle hem SpaceX gäminiň içerki gurluşynyň ekipaž üçin “giňiş we amatly” boljakdygyny aýtdy.
Starship HLS kosmiki gämisini ulanýan Artemis III missiýasy 2026-njy ýylyň sentýabr aýynda uçurylar. Raketa kosmonawtlary Aýyň orbitasyna eltip, Ýeriň emeli hemrasynyň üstüne tarap syýahatyny dowam etdirer. Missiýa 30 gün dowam eder.
