Universal Pictures kinokompaniýasy “Aždarhany nädip eldekileşdirmeli” multfilminiň ekranlaşdyrylyşynyň ilkinji tizer treýlerini hödürledi. Onda baş gahrymanlar we Ikkingiň howply aždarha bilen tanyşlygynyň meşhur sahnasy görkezildi.
Geljekki filmde baş keşbi Meýson Temz (“Hemme adamzat üçin”), onuň gyz dostunyň keşbini bolsa "The Last of Us" teleserialynda Saranyň keşbi bilen tanalýan Niko Parker ýerine ýetirdi. Wiking Stoikiň keşbini multfilmiň asyl nusgasynda gahrymana ses beren Jerard Batler ýerine ýetirdi.
Taslamanyň animasiýa görnüşiniň üstünde işlän Din DeBlua filme režissýorlyk etdi.
“Aždarhany nädip eldekileşdirmeli” - DreamWorks Animation-iň döredijilere 1,5 milliard dollardan gowrak girdeji getiren iň meşhur franşizalarynyň biridir. Animasiýa filmleriniň seriýasy oglan bilen aždarhanyň dostlugyny görkezýär, şonuň netijesinde ganatly mahluklar iň ganym duşmanlary bolan wikingler bilen ýaraşýarlar.
Filmiň uýgunlaşmasynyň ilkinji görkezilişi 2025-nji ýylyň 13-nji iýunynda bolar.
