Koreýa Respublikasynyň Türkmenistandaky ilçihanasy 22-nji we 23-nji noýabrda Aşgabatda Koreýanyň Medeniýet günleriniň geçirilýändigini habar berdi.
22-nji noýabrda Aşgabadyň ähli ýaşaýjylary we myhmanlary üçin açyk medeni maksatnama, “Arkaç” söwda-dynç alyş merkezinde 17:00-dan 19:00-a çenli geçiriler. Bu gün gatnaşyjylar Koreýanyň ýörite foto meýdançasynda surata düşüp bilerler. Şeýle hem Koreýanyň özboluşly öwüşginli bezegleri we aýnalary döretmek senetleri bilen tanşyp bilerler. Koreýadan getirilen däp bolan koreý naharlaryny dadyp görerler.
Giriş tölegsiz.
23-nji noýabr Türkmenistanyň Magtymguly adyndaky milli sazly drama teatrynda sagat 19:00-da uly aýdym-sazly konserti bolar. Maksatnama Türkmenistanyň Döwlet simfoniki orkestri bilen bilelikde koreý ýerine ýetirijileriniň çykyşlaryny öz içine alýar.
Konserte giriş petek bilen goýberiler. Petekleri tölegsiz alyp bolar. Olary Koreýa Respublikasynyň Aşgabatdaky ilçihanasyndan 20-nji we 21-nji noýabrda alyp bilersiňiz (10:00-dan 20:00-a çenli, günortanlyk arakesmesi 12:30-dan 13:30-a çenli).
