Türkmenistanda täze okuw gollanmalary - umumy orta bilim berýän mekdepleriň XI synpy üçin “Iňlis dili” okuw kitaby, şeýle hem «Türkçe-türkmençe sözlük» çapdan çykdy.
Türkmenistanyň Bilim ministrliginiň saýtynda habar berilmegine görä, “Iňlis dili (II daşary ýurt dili)” okuw kitaby umumy orta bilim berýän mekdepleriň XI synpy üçin niýetlenendir. Awtorlary - N.Öwezowa, R.Soýunowa, M.Allaberdiýewa. «Türkçe-türkmençe sözlük» kitabyny J.Gökleňow, A.Erjilasun – A.: Türkmen döwlet neşirýat gullugy çapdan çykdy.
«Türkçe-türkmençe sözlük» okatmagyň we terbiýelemegiň esasy didaktiki ýörelgelerine esaslanylyp, daşary ýurt dillerini okatmagyň döwrebap usullaryndan hem-de öňdebaryjy tejribelerden netijeli peýdalanylyp taýýarlanyldy.
Umumy orta bilim berýän mekdepleriň XI synpy üçin “Iňlis dili (II daşary ýurt dili)” okuw kitaby bu dersiň tassyklanylan okuw maksatnamasyna laýyklykda okuwçylaryň iňlis dilinde okamak, ýazmak, erkin gürlemek ýaly endiklerini has-da ýokarlandyrmaga giň mümkinçilikleri döreder.
Türkmenistanyň Bilim ministrligi tarapyndan talyplar üçin okuw gollanmasy hökmünde hödürlenen bu sözlüge häzirki zaman türk edebi dilinde işjeň ulanylýan 20 müňe ýakyn söz, söz düzümleri girizilipdir.
