Hytaýyň günortasynda Şençžen şäherinde China International Marine Containers Group (CIMC) kompaniýasynyň täze ştab-kwartirasynyň gurluşygy başlandy. Binanyň beýikligi 270 metr bolar. Taslamanyň esasy aýratynlygy diňiň içinde birnäçe gaty eýelejek ýaşyl zolak bolar.
Gökdirän binada ofisleri, söwda meýdançalaryny we konferensiýa zallaryny ýerleşdirmek meýilleşdirilýär. Binada 60 müňden gowrak adam işläp biler. Arakesme wagtynda işgärler binadan çykman, seýilgähde aýlanyp bilerler we ýokarky gatlar Sýanhaý aýlagynyň panoramaly görnüşlerini hödürlär.
Şeýle hem gökdirän binanyň üçeginde bag bolar.
Bina ekologiýa taýdan arassa tehnologiýalary ulanar. Gökdirän bina ýagyş suwlaryny ýygnamak, galyndylary gaýtadan işlemek ulgamlary, şeýle hem tebigy ýagtylygy has köp ulanmak arkaly yşyklandyryş üçin energiýanyň sarp edilişini azaltmak üçin gündiziň ýagtysyny berýän datçikleriň akylly ulgamlary bilen üpjün ediler.
Gurluşygy 2029-njy ýylda tamamlanmak meýilleşdirilýär.
