Warner Bros. kinokompaniýasy Jeýson Momoanyň gatnaşmagynda “Minecraft kinoda” (Майнкрафт в кино) filminiň doly derejeli treýlerini hödürledi. Kub dünýäsiniň ekranlaşdyrylmasynyň premýerasy 2025-nji ýylyň 4-nji aprelinde bolar.
“Maýnkraftyň” wakalary biziň günlerimizde ýaýbaňlanar. Sýužet boýunça şowsuzlyga uçran dört personaž syrly portal arkaly täsin kub dünýäsine düşýär. Indi olar öýlerine dolanmak üçin, ýerli bilermen Stiw bilen birleşip, batyrgaýlyk we ugurtapyjylyk görkezmeli bolar.
Stiwiň roluny Jek Blek ýerine ýetirýär we “Minecraft kinoda” treýleri onuň wakasynyň öňüsyrasyny açyp görkezýär. Ol çagalygyndan şahta barada arzuw edýär, ýöne bir gün onuň bu gyzyklanmasy ony “bloklardan gurup boljak ähli zadyň mümkin bolan jadyly dünýäsine” getirýär.
Iki ýarym minut töweregi dowam edýän wideoda Minecraft-yň muşdaklary oýun boýunça tanyş bolan jandarlary we predmetleri hem görüp biler.
Ýeri gelende bellesek, taslamanyň sentýabr aýyndaky tizeri dürlüçe garşylanyp, milliondan gowrak dizlaýk alypdy. Ýöne bu gezek muşdaklaryň treýlere garaýyşlary has oňyn boldy. Gysga wagtyň içinde wideo YouTube-da 267 müňden gowrak laýk aldy, dizlaýklaryň sany bolsa esli az. Ulanyjylar oýna bolan köp salgylanmalara, ownujak zatlara üns berilmegine we aýdym-sazyň şowly saýlanmagyna ýokary baha berdiler.
Jek Blekden başga-da, filmde baş keşpleri Emma Maýers (“Uensdeý”), Daniel Bruks we Jeýson Momoa (“Forsaž”) ýerine ýetirdi. Filmiň režissýory hökmünde Jared Hess çykyş etdi.
