Google kompaniýasy Chrome OS-ny Android-e doly geçirmekçi bolýar. Bu barada kompaniýanyň maglumatlaryna salgylanyp, Android Authority habar berýär.
Google iýun aýynda Chrome OS-yň Android böleklerini ulanyp başlajakdygyny mälim edipdi, ýöne indi çeşme gözleg ägirdiniň has öňe gitjekdigini belleýär.
“iPad bilen has gowy bäsleşmek we inženerçilik çeşmelerini netijeli dolandyrmak üçin Google operasiýa ulgamynyň tagallalaryny güýçlendirmek isleýär. Şeýle-de bolsa, ozal aýdylyşy ýaly Android we Chrome OS-ny täze operasiýa ulgamyna birleşdirmegiň ýerine, Google-yň Chrome OS-ny Android-e doly göçürilmeginiň üstünde işleýändigini başga bir maglumat çeşmesi aýtdy diýip, ixbt.com ýazýar.
Android-iň operasiýa ulgam hökmünde smartfonlar, planşetler, akylly sagatlar, telewizorlar, awtoulaglar we ýakyn wagtda XR äýnekleri üçin döredilendigini bellemelidiris. Chrome OS bolsa, esasan, noutbuklar üçin niýetlenendir.
