Lexus kompaniýasy 2025-nji model ýylynyň RZ awtoulagyny çykardy.
Model iki görnüşde elýeterlidir: RZ 300e we RZ 450e. Esasy wersiýasynyň bahasy 43 975 dollardan başlaýar. Bu barada Hytaýyň ITHome çeşmesi habar berýär.
Lexus RZ 2025-iň daşky görnüşi öňki modeliňkä meňzeýär. Awtoulagyň esasy wersiýasy 18 dýuýmlyk tekerler, ýokary wersiýasy bolsa 20 dýuýmlyk tekerler bilen enjamlaşdyrylandyr.
Salony üç reňkde elýeterlidir: Akiyama Chestnut, Layer Grey we Storm Blue.
Awtoulagyň esasy wersiýasyndan panorama lýugy, sazlamalaryň ýady we gyraky aýnalaryň awtomatiki ýygnalmak we oturgyçlaryň howa täzeleniş funksiýalary aýryldy. Şeýle-de bolsa gyzdyrylýan rul we oturgyçlar, goşa zolakly howa gözegçiligi we 10 dinamikaly ses ulgamy saklanyp galdy.
Awtoulagda UF goragly panorama üçek we bäş sany USB-C porty bar.
RZ 300e modeli 201 at güýjüni öndürýän öňdäki hereketlendirijini ulanýar. Ýöreýiş ätiýaçlygy 428 km-e çenli.
RZ 450e wersiýasy iki hereketlendiriji we doly priwod bilen enjamlaşdyrylandyr. Öňki hereketlendirijiniň iň ýokary kuwwaty 203 at güýjüne ýetýär, yzky hereketlendirijisi bolsa 108 at güýjüni öndürýär. Bu model 5 sekuntda 96 km/sag tizlige ýetýär, ýöreýiş ätiýaçlygy – 354 km.
