Elhençlik žanrynda özüniň eserleri bilen tanalýan Stiwen King “Never Flinch” (Никогда не вздрагивай) ady bilen täze romanynyň çykjakdygyny mälim etdi. Kitap 2025-nji ýylyň 27-nji maýynda satuwa çykar diýip, Entertainment Weekly habar berýär.
Neşir eserde birnäçe sýužet hatarynyň biri-biri bilen baglanyşjakdygyny belleýär. Olaryň biri ar almak isleýän ganhor, beýlekisi belli aktiwiste haýbat atýan yzarlaýjy barada gürrüň berer.
“Haçan-da Bakaý-Siti polisiýa edarasy “bigünä adamyň manysyz ölümi” üçin ar almak maksady bilen “13 sany bigünäni we bir günälini öldürmek” bilen haýbat atýan adamdan hat alanda, detektiw Izzi Jeýns öz jorasy Holli Gibnä kömek sorap ýüz tutmaly bolýar” – diýlip, kitabyň beýanynda aýdylýar.
Roman Kingiň okyjylaryna tanyş gahrymanlary öz içine alar. Mysal üçin, Holli Gibni ilkinji gezek Kingiň Bill Hojes baradaky trilogiýasynda peýda boldy – “Jenap Mersedes” (Мистер Мерседес), “Kim tapsa, özüne alýar” (Кто нашел, берет себе) we “Nobatçylygyň soňy” (Пост сдал). Soňra ol “Ýat” (Чужак) filminde çykyş etdi we “Gan döküler” (Будет кровь) powestiniň baş gahrymany boldy.
