Ýannik Sinner bir möwsümde baýrak gaznasy boýunça $17 milliona golaý gazandy: Alkarasdan $7 mln köp

Professional tennisçileriň assosiasiýasy (ATP) 2024-möwsüminde gazanylan pul baýraklarynyň mukdary boýunça oýunçylaryň reýtingini hödürledi. Onda birinji orny uly tapawut (7 mln dollardan gowrak) bilen dünýäniň birinji raketkasy italiýaly Ýannik Sinner eýeledi. Onuň jemi gazanjy 16 946 149 dollar boldy. Onuň yzyndan 9 850 338 dollar bilen ispaniýaly Karlos Alkaras gelýär. Üçlügi 8 995 103 dollar bilen Germaniýadan Aleksandr Zwerew jemleýär.

Tennisçileriň möwsümde gazanan pul baýraklarynyň mukdary boýunça ilkinji onluk:

1. Ýannik Sinner (Italiýa) – $ 16 946 149;
2. Karlos Alkaras (Ispaniýa) – $ 9 850 338;
3. Aleksandr Zwerew (Germaniýa) – $ 8 995 103;
4. Teýlor Fris (ABŞ) – $ 7 006 195;
5. Daniil Medwedew (Russiýa) – $ 5 615 756;
6. Kasper Ruud (Norwegiýa) – $ 5 065 307;
7. Nowak Jokowiç (Serbiýa) – $ 4 421 915;
8. Andreý Rublýow (Russiýa) – $ 4 130 816;
9. Aleks de Minor (Awstraliýa) – $ 4 080 046;
10. Stefanos Sisipas (Gresiýa) – $ 3 528 424.

Ýatlap geçsek, ýakynda Ýannik Sinner ATP-niň Jemleýji ýaryşynyň ýeňijisi boldy. Ol finalda Teýlor Frisi utdy we ýeňiş üçin 4,8 mln dollar möçberde baýrak aldy.