18-nji noýabrda Huawei kompaniýasy Mate 70 hatarynyň täze flagmanlaryny satyn almak üçin deslapky sargytlary kabul edip başlady we eýýäm häzir olaryň içerki bazarda hakyky ýörgünli smartfonlara öwrüljekdigi barada aýtmak bolar. Sebäbi VMall platformasynda bary-ýogy ýarym günde bu smartfony satyn almak üçin 1,8 mln sargyt ýygnaldy. Deslapky sargytlaryň sany bolsa her minutda diýen ýaly ýüzlerçe, müňlerçe birlik artýar.
JD.com platformasyndaky maglumatlara görä, bu hataryň Mate70 Pro modeline isleg has ýokary: Mate70 – 134 müň deslapky sargyt, Mate70 Pro – 200 müň deslapky sargyt, Mate70 Pro+ – 184 müň deslapky sargyt.
Mate70 hatarynyň gurluşlary üçin sargytlar 26-njy noýabra çenli kabul ediler, şol gün hem täze önümiň premýerasy bolar we deslapky satuwlar başlar.
Huawei dükanynyň işgärleriniň bellemegine görä, Pro modeli Hytaýyň Täze ýylyna çenli ýetmezçilik edip biler.
