6-njy noýabrda Fudzi dagyna gaty gijigip düşen ilkinji garyň ömri gysga bolup çykdy. NASA-nyň Landsat 8 hemrasyndan alnan suratlara görä, birnäçe günden soň gar doly eräp, Ýaponiýanyň iň beýik gerşi ýene ýalaňaçlandy.
Bu ýagdaý 130 ýyllyk gözegçiligiň dowamynda ilkinji gezek hasaba alyndy. Adatça ýylyň şu döwründe Fudziniň depesi galyň gar bilen örtülýär. Alymlar şeýle adatdan daşary ýagdaýlaryň daglyk ýerlerde gar örtüginiň durnuklylygyna täsir edip, ählumumy howanyň üýtgemegi bilen baglanyşykly bolup biljekdigini duýdurýarlar.
Fudzi dagynyň adatça ýylyň şu wagtyna mahsus suraty. SUrat 2023-nji ýylda düşürildi. Çeşme: NASA
Meteorologlar bu hadysany adatdan daşary yssy howa bilen baglanyşdyrýarlar. Kofu şäheriniň Meteorologiýa Býurosynyň habaryna görä, 2024-nji ýylyň iýun aýyndan awgust aýyna çenli ortaça temperatura 1991-2020-nji ýyllaryň ortaça temperaturasyndan 1,76 dereje ýokary boldy. Bu sebit üçin rekord derejedir.
Beýikligi 3 776 metr bolan Fudzi dagy diňe bir Ýaponiýanyň tebigy nyşany bolman, eýsem, howanyň üýtgeýän şertlerinde ylmy barlaglaryň geçirilýän möhüm obýektidir.
