Haýsy awtoulaglar ýygy-ýygydan agyr ýol heläkçiliklerine uçraýar: iSeeCars-yň seljermesi

  • 19.11.2024 14:45
  • 12k+

iSeeCars.com seljeriş portalynyň hünärmenleri pajygaly gutarýan ýol-ulag hadysalarynyň statistikasyny öwrenmek bilen uly göwrümli gözleg geçirdiler. Netijeler käbir awtomobil modelleriniň beýlekilere garanyňda pajygaly netijeler bilen gutarýan heläkçiliklere has köp sezewar bolýandygyny görkezdi.

Ýygnalan maglumatlaryň esasynda antireýtingiň liderleri Hyundai Venue, Cehvrolet Corvette, Mitsubishi Mirage, Porsche 911, Honda CR-V Hybrid boldy. Bu modeller ýollarda heläkçiligiň ýokary derejesini görkezdiler, ol beýleki awtomobilleriň ortaça görkezijilerinden bäş esse ýokarydyr. Aýratynam, Hyundai Venue sürüjileriň pajygaly ýol-ulag hadysasyna uçramak töwekgelçiliginiň iň ýokary derejesi bilen tapawutlanýar.
Şeýle-de, ýokary töwekgelçilikli hasaplanýan 23 awtomobiliň hatarynda öňdebaryjy sürüji üçin kömek ulgamy bilen enjamlaşdyrylandygyna garamazdan, Tesla-nyň iki modeli – Model Y we Model S hem bar. Bu sanawa Kia Forte, Seltos, K5 we Soul modelleri-de girdi.
Hünärmenleriň bellemegine görä, ykjam we sub-ykjam awtomobilleriň howply ýagdaýlara uçramagynyň esasy sebäpleriniň biri olaryň göwrümidir. Awtomobilleriň uly bolmadyk göwrümleri olary pikap we ýolsuz ýerden ýöreýän awtoulaglar ýaly uly ulag serişdeleri bilen çaknyşmalarda has gowşak edýär. Hünärmenler meseläniň awtomobilleriň konstruktiw kemçiliklerinde däl-de, fizikadadygyny belleýärler: kiçi agram we göwrüm çaknyşmalarda ykjam awtoulaglaryň goragyny peseldýär.
Ykjam awtomobillerden tapawutlylykda, doly herekete getirijili modeller ölüm howply heläkçilikleriň pes derejesini görkezdi. Bu olaryň uly agramy, has ýokary ýol aralygy (klirens) we ösen howpsuzlyk ulgamlary bilen baglanyşyklydyr. Uly göwrümli awtomobiller çaknyşma ýagdaýynda ýolagçylaryň goragynyň ýokary bolmagyna mümkinçilik berýär.


18.08.2025 16:03
6.6k+

Mitsubishi 20 ýyldan soň Montero ulagyny yzyna getirýär

Mitsubishi kompaniýasy käbir bazarlarda Pajero ady bilen tanalýan Montero ulagyny çykarmaga taýýarlanýar. Muny internet torunda peýda bolan prototipiň suratlary delillendirýär. Bu soňky ýigrimi ýylda Montero-nyň ABŞ-da ilkinji gezek peýda bolmagy bolar, Ýewropada bolsa 2025-nji ýylyň ahyryna çenli çykmagyna garaşylýar...

15.08.2025 01:16
3k+

Carwow Driver Power-iň täzelenen reýtinginde Mercedes we Lexus Subaru-dan yza galdy

Carwow Driver Power 2025 pikir soraşygynyň netijelerine görä, Subaru eýýäm yzygider ikinji ýyl bäri awtoulag brendleriniň arasynda birinji orny eýeledi. Marka güýç ulgamy, howpsuzlyk, amatlylyk, dolandyryş we ygtybarlylyk ýaly on esasy kategoriýanyň ýedisinde iň ýokary baha aldy...

12.08.2025 09:41
2.2k+

Mansory karbon elementlerine eýe bolan üýtgeşik Porsche 911 Turbo S Cabriolet-i hödürledi

Mansory týuning-atelýesi Porsche 911 Turbo S Cabriolet-iň aýratyn týuning wersiýasyny hödürledi. Bu model P9LM EVO 900 adyny aldy we bary-ýogy ýedi nusgada çykarylar. Awtomobil täze kuzow elementleriniň netijesinde özüne çekiji daşky keşbe eýe boldy...

11.08.2025 01:01
11k+

Ne maşyn, ne-de motor: Kanadada Hyundai Tiburon bilen Honda motosiklinden garylyp ýasalan üç tekerli ulag satylýar

Kanadada Hyundai Tiburon kupesiniň we Honda Goldwing motosikliniň böleklerinden elde ýygnalan üç tekerli ulag (trisikl) satuwa çykaryldy. Adaty bolmadyk bu ulagyň bahasy 4,5 müň dollar diýip, Carscoops habar berýär...