Hytaýyň Guançžou şäherinde geçirilen awtoulag sergisinde BMW täze dört gapyly M235L kupesini hödürledi. Bu awtoulag Hytaýda öndürilen ikinji M Performance modelidir. Täze ulag uzyn teker bazasy hem-de içki we daşky dizaýnyna täzeçe çemeleşilendigi bilen tapawutlanýar diýip, Bitauto.com ýazýar.
Awtoulagyň ölçegleri 4663 x 1801 x 1457 mm, teker bazasy bolsa 2780 mm-e çenli ulaldylan, bu bolsa öňki neslinden 110 mm köp diýmekdir. Bu yzky oturgyçdaky ýolagçylaryň rahatlygyny ýokarlandyrdy. Awtoulagyň L görnüşindäki yzky çyralary we gaz çykarýan ýygşyrylan turbalary bar. M Performance wersiýasynda her tarapynda iki tüsseçykarly dört gaz çykaryjy turbaly ulgamy ulanýar.
Modeliň ähli wersiýalarynda gyzdyryjyly we elektrik bilen sazlap bolýan oturgyçlary bar. Goşmaça, sport oturgyçlary üçin massaž we bil goldawy bar. Şeýle hem, awtoulag çaknyşma duýduryşy, zolakdan çykmak duýduryşy we awtoulag duralgasy kömekçisi ýaly sürüjä kömek ulgamlary bilen enjamlaşdyrylandyr. Awtomatiki duralga funksiýasyny My BMW programmasy arkaly dolandyryp bolýar.
Motor hataryna 2,0 litrlik dört silindrli hereketlendirijiler girýär. 220L modeliniň iň ýokary kuwwaty 174 at güýji, 225L modeliniňki - 227 at güýji, M235L modeliniňki bolsa - 334 at güýji.
