Ýaşy 150 mln ýyla barabar bolan dinozawryň skeleti auksionda 6 mln ýewro satyldy we ol “dünýädäki auksionlarda häzire çenli satylan” iň uly dinozawr boldy. Bu barada Collin du Bocage we Barbarossa auksion öýlerine salgylanyp, France-Press agentligi habar berýär.
Ony ady agzalmadyk kolleksioner satyn aldy. Auksionçy Oliwýe Kollin dýu Bokažyň aýtmagyna görä, ol bu skeleti muzeýe bermek isleýär.
Uzynlygy 22 m bolan ot bilen iýmitlenýän apatozawryň skeleti 75-80% asyl süňklerden ybarat. Ol 2018-nji ýylda ABŞ-nyň Waýoming ştatynda tapyldy, gazuw-agtaryş işleri bolsa fransiýaly maýadaryň maliýe goldawy bilen 2019-njy ýyldan 2021-nji ýyl aralygynda dowam etdi. Soňra Wulkan ady berlen haýwanyň galyndylary ikiýyllyk dikeldiş işleri üçin Fransiýa iberildi.
