Ilkinji uikendiniň jemi boýunça “Missiýa: Gyzyl” (Миссия: Красный) filmi öý prokatynda bary-ýogy 34 mln dollar töweregi gazandy. Amazon-yň öndüren filmi beýleki ýurtlarda ýene 50 mln dollar girdeji gazandy. Bu bolsa Kris Ewansyň we Dueýn Jonsuň gatnaşmagyndaky, takmynan, 250 mln dollar býujetli film üçin örän gowşak başlangyç hasaplanýar.
Dünýä kinoteatrlarynda filmiň premýerasy 15-nji noýabrda boldy. ABŞ-da prokatyň ilkinji güni lenta bary-ýogy 10,9 mln dollar gazandy.
Analitikler filmiň harajaty ödemek üçin azyndan 500 mln dollar gazanmalydygyny belleýärler. Häzir filmiň umumy kassa ýygymy 84 mln dollardan geçýär we geljek dynç günleri hem girdeji depgini, ähtimal, peselip biler.
“Missiýa: Gyzyl” Santa-Klausyň alnyp gaçylmagy barada gürrüň berýär. Baş gahrymanlar gürleýän ak aýy bilen bilelikde Roždestwo gahrymanynyň gözlegine ugraýarlar, ýolda olara zalym gar adamlar we beýleki mifiki jandarlar duş gelýär.
