"Google" kompaniýasynyň gözlegçileri atmosferanyň ýokarky gatlagy bolan ionosferany karta salmak üçin 40 million ykjam enjamdan maglumatlary ulandy. Bu maglumatlar infrastruktura ýeterlik däl sebitlerde hemra nawigasiýasynyň takyklygyny ýokarlandyrmaga kömek eder diýip, Nature habar berýär.
Ionosfera Ýerden 50-1000 km belentlikde ýerleşýär we radio signallarynyň ýaýramagyna täsir edýär. Bu gatlakdaky üýtgeýän elektron dykyzlygy GPS signallaryny ýoýup-da, takyklygyny peseldip-de biler. Däp bolşy ýaly, ionosferany öwrenmek üçin ýerüsti stansiýalar ulanylýar, ýöne olaryň mümkinçilikleri çäklidir.
Häzirki zaman smartfonlary birnäçe ýygylykda GPS signallaryny almaga ukyply. Bu Amerikan tehnologiýa ägirtlerine gözlegçileriň elektron dykyzlygynyň takyk kartalaryny düzmek üçin ulanýan maglumatlar binýadyny ýygnamaga mümkinçilik berdi.
Kartalar nawigasiýa ýaramaz täsir edýän plazma köpürjikleri diýlip atlandyrylýan pes elektron dykyzlygynyň ýerlerini kesgitlemäge mümkinçilik berdi.
Şeýle taslamalarda smartfonlary ulanmak enjam çykdajylaryny azaldýar we tehnologiýany ozal mümkin bolmadyk masştabda ulanmaga mümkinçilik berýär. Täze ionosfera kartasy uzak sebitler üçin, aýratyn möhüm bolan käbir ýerler üçin GPS nawigasiýasynyň takyklygyny 10-20% ýokarlandyryp biler diýip, hi-tech.mail.ru ýazýar.
