Goýun süýdünden taýýarlanan Queijo de Ovelha Amanteigado Portugaliýada geçirilen ýyllyk bäsleşikde dünýäde iň gowy peýnir diýlip atlandyryldy. 47 ýurtdan 4786 peýniri dünýäniň dürli künjeginden 240 bilermen dadyp gördi diýip, CNN habar berýär.
Bäsleşik Portugaliýanyň Wizeu şäherinde geçirildi, ýeňiji bolan peýnir hem bu ýurda degişli: ol Sualeýra şäherinde 10 işgärden ybarat uly bolmadyk fabrikada öndürildi. Önüm garamandalakdan alnan wegetarian fermentiniň ulanylmagy bilen taýýarlandy. Netijede, otly ajymtyk tagamly ýagly peýnir alyndy.
Eminler her peýnire daşky görnüşi, ysy, tagamy we gurluşy boýunça baha berdiler. Bilermenleriň biri Queijo de Ovelha Amanteigado peýnirini lezzetli tagamy berýän “belok bilen ýagyň ajaýyp birleşmesi” diýip atlandyrdy. Finala Braziliýadan, ABŞ-dan, Norwegiýadan, Italiýadan, Germaniýadan we Ispaniýadan jemi 14 peýnir çykdy.
2021-nji we 2023-nji ýyllarda hem bäsleşigiň ýeňijisi çäräniň geçen ýurdunda öndürilen peýnirler boldy – Ispaniýada we Norwegiýada şeýle bolupdy. Munuň geňdigine garamazdan, bäsleşigiň guramaçysy Jon Farrand bäsleşikde ähli peýnirlere emin agzalarynyň görmän baha berýändigini belledi.
