Režissýor Ridli Skottuň “Gladiator 2” filmi halkara prokatda ilkinji dynç günleri 87 mln dollar ýygnady. Bu Paramount Pictures we režissýoryň özi üçin rekord başlangyçdyr diýip, Variety ýazýar.
Asyl filmiň dowamynyň premýerasy 63 halkara bazarynda boldy. Lenta Beýik Britaniýada 11,4 mln dollar, Fransiýada 10,3 mln dollar, Ispaniýada 5,6 mln dollar, Awstraliýada 5 mln dollar ýygnady. Ýene 7 mln dollary IMAX formatynda 453 seansda ýygnamak başartdy.
Şol bir wagtyň özünde iň uly bazarlar bolan Demirgazyk Amerikada we Hytaýda film 22-nji noýabrda görkeziler.
Filmiň býujeti 250 million dollardan geçýär. Analitikleriň maglumatlaryna görä, harajaty ödemek üçin ol azyndan 600 mln dollar ýygnamaly. Eger taslama üstünlikli bolsa, “Gladiator 2” filmi “Tapmaça 2” we “Dedpul we Rosomaha” bilen bilelikde ýylyň iň girdejili filmleriniň biri bolup biler.
Ridli Skottuň täze işi tomaşaçylar tarapyndan gowy garşylandy, ýöne tankytçylaryň dürli-dürli seslenmelerine eýe boldy, olar sýužetiň 2000-nji ýylyň asyl filmi bilen meňzeşligini bellediler.
