Oskar baýragyna eýe bolan režissýor Martin Skorseze (“Taxi Driver”, “Goodfellas”) özüniň indiki taslamasynyň amerikaly ýazyjy Merilinn Robinsonyň “Öý” (Дом) romanynyň ekranlaşdyrylmasy boljakdygyny aýtdy. Bu barada ol Associated Press bilen söhbetdeşlikde gürrüň berdi.
Kitabyň sýužeti Boutonlar maşgalasy barada gürrüň berýär. Gahrymanlar Aýowadaky maşgala öýünde jemlenişip, biri-biri bilen ýaraşmaga synanyşýarlar. Skorseze ssenariýany Todd Fild (“Tar”) we Kent Jons (“Diana”) bilen bilelikde işledi.
“Öý” filminiň surata düşürilişi 2025-nji ýylda başlap biler. Öň, Skorseze Frenk Sinatranyň biografik filmini we “Isanyň durmuşyny” surata düşürmekçidi, ýöne iki taslamany hem soňa goýmaly boldy.
“Wagt geçýär. Tiz wagtdan 82 ýaşymy doldurýaryn. Men öz-özüme sorag berýärin: ýene bir filmi surata düşürip bilerinmi? Wagt sarp etmek gerekmi? Şu gün, ýakynlarymdan başga, meniň üçin wagtdan gymmatly zat ýok” – diýip, Skorseze belledi.
Skorsezeniň soňky filmi “Gül Aýynyň ganhorlary” (Убийцы цветочной луны) 2023-nji ýylyň güýzünde çykdy we “Oskar” baýragy üçin 10 nominasiýa aldy. Režissýor Leonardo Di Kaprio bilen “Weýjer” taryhy trillerini hem goýmagy meýilleşdiripdi.
