2023-nji ýylyň ýazynda Warner Bros. Discovery mediaholdingi Garri Potter (Harry Potter) älemine esaslanýan serialyň üstünde işlenilýändigini resmi taýdan tassyklady. Bu täze aktýorlar we Joan Roulingiň kitaplarynyň wakalarynyň giňişleýin beýany bilen filmleriň doly gaýtadan düşürilmegi bolar.
Serialyň ýakyn wagtda çykmajakdygy şol wagt mälim edildi. Awtorlar ýaňy baş keşpler üçin kastinge başladylar. Bu rollara Beýik Britaniýadan we Irlandiýadan 9 – 11 ýaş aralygyndaky çagalar gözlenýär, olar 2025-nji ýylyň aprel aýynda surata düşürilip başlananda bu ýaşda bolmaly.
Täze interwýuda HBO we Max-yň kontent boýunça ýolbaşçysy Keýsi Bloýs “Garri Potter” serialynyň 2027-nji ýyldan ir çykmajakdygyny aýtdy.
Haçan-da biz taslama bilen meşgullanyp başlanymyzda, munuň, ähtimal, 2027-nji ýyl, 2027-nji ýylyň başy bolup biljekdigini çakladyk. Çen bilen şeýle, ýöne bu anyk möhlet däl, sebäbi biz indi ssenariýanyň we kastingiň üstünde işlemäge başlaýarys.
Şeýle-de, Bloýs awtorlaryň ilkinji möwsümleri mümkin boldugyndan çalt düşürmek isleýändiklerini, sebäbi ýaş aktýorlaryň çalt ulalýandygyny we olaryň daşky keşbindäki üýtgeşmeleriň ekranda aýdyň görünjekdigini aýtdy.
Pikirleriň biri birinji we ikinji möwsümleri biri-birine ýakyn düşürmekden ybarat. Sebäbi çagalar üçin 11 ýaşdan 13 ýaşa böküş döwri gowy bildirýär. 13-15 ýaş aralygy bilen ýagdaý ýönekeý.
Belläp geçsek, ýakynda HBO serialynyň Hogwarts Legacy 2 oýny bilen baglanyşykly boljakdygy belli boldy. Bu oýun eýýäm işlenip düzülýär we Harry Potter serialynyň birinji möwsümi bilen bir wagtda çykar.
