Ilon Mask ýolagçy gatnawlaryny özleşdirmek we bir sagatdan az wagtyň içinde adamlary dünýäniň islendik nokadyna eltmek isleýändigini aýtdy. Bu barada Daily Mail habar berýär.
“Ilon Maskyň SpaceX kompaniýasy özüniň dünýäde iň kuwwatly Starship raketasynyň kömegi bilen yklymlaryň arasyndaky gatnaw usulyny üýtgedip biler. Bir şäherden ugramak bilen, raketa kosmosa uçar, soňra bir sagatdan hem az wagtyň içinde başga bir yklymdaky şäherde gonar, bu ýokary 27 000 km/sag tizliginiň netijesinde mümkin bolar” – diýip, neşir ýazýar.
SpaceX-iň wekilleriniň aýtmagyna görä, raketa bir gezekde 1 000 ýolagçyny äkidip biler. Ýöne şeýle tizlikli ulag serişdesi üçin petegiň bahasy müňlerçe dollar bolar. Şeýle-de, Londondan Nýu-Ýorka 29 minutda, Nýu-Ýorkdan Pariže 30 minutda, Nýu-Ýorkdan Şanhaýa (Hytaý) 39 minutda, Sýurihden (Şweýsariýa) Sidneýe (Awstraliýa) 50 minutda uçup baryp bolar.
