Italiýanyň “Ýuwentus” futbol kluby fransiýaly ýarymgoragçy Pol Pogba bilen şertnamanyň ýatyrylandygyny habar berdi. 2024-nji ýylyň 30-njy noýabryndan soň taraplaryň arasyndaky şertnama güýjüni ýitirer.
“Klub Pola professional gelejeginde ähli gowulyklary arzuw etmek isleýär” – diýlip, klubuň saýtyndaky resmi beýanda aýdylýar.
Öň, Lozannadaky Sport arbitraž kazyýeti (CAS) Pogbanyň 2025-nji ýylyň ýanwaryndan ir türgenleşige başlap bilmejekdigini kesgitledi. Ol oýnamaga bolsa şol ýylyň martyndan başlap biler.
“Ýuwentus” üçin soňky oýnuny Pogba 2023-nji ýylyň 3-nji sentýabrynda geçirdi. Şondan soň ol doping ulanandygy üçin diskwalifikasiýa edildi.
