Bugatti Mistral rodsteri üsti açyk awtoulaglar üçin täze tizlik rekordyny goýdy. Papenburg türgenleşik meýdançasynda geçirilen synag wagtynda Bugatti-niň synagçy sürüjisi Endi Uollas sagatda 453,91 km tizlige ýetdi.
Bu görkeziji 2016-njy ýylda Hennessey Venom GT Spyder tarapyndan kesgitlenen öňki 427,44 km / sag rekorddan ýokarydy.
Synagçy sürüji şeýle ýokary tizlikde süreninde awtoulagyň ajaýyp durnuklylyk görkezendigini belläp geçdi.
“Synag programmasynyň tutuş dowamynda bu awtoulagyň şeýle bir ýokary derejede durnuklydygy duýuldy. Ulagyň özi has çalt gitmek isleýän ýalydy" – diýip, Uollas gürrüň berdi.
Bugatti Mistral – bu dört turbina bilen enjamlaşdyrylan we 1600 at güýjüni öndürýän 8 litrlik W16 hereketlendirijili brendiň iň soňky ýol modeli.
Bu soňky 13 ýylda fransuz öndürijisiniň ilkinji rodsteridir. Mistral-yň diňe 99 nusgasy öndüriler, bularyň hemmesi eýýäm bir awtoulag üçin 5 million ýewro bahadan satyldy.
Dünýädäki iň ýyndam ýol awtoulagynyň Bugatti Chiron Super Sport 300+ hasaplanýandygyny belläliň, 2019-njy ýylda onda şol bir Uollas sagatda 490,484 km tizlige ýetdi.
