Türkiýäniň günortasyndaky Tarsus obasynyň ýaşaýjylary içi kümüş şaýy pullaryndan doldurylan gadymy keramiki küýze tapdylar. Bu tapyndy merhumy jaýlamak üçin mazar gazylanda tapyldy diýip, Daily Express ýazýar.
Açyşyň wajyplygyna düşünen ýaşaýjylar ýerli polisiýa ýüz tutdular. Polisiýa işgärleri muzeý işgärlerini çagyrdylar. Muzeýiň hünärmenleri küýzeden 1100 teňňe çykardylar, deslapky çaklamalara görä, olaryň köpüsi gadymy döwürlere degişlidir.
Indi hünärmenler tapylan ýadygärlikleri jikme-jik öwrenmegi meýilleşdirýärler. Olaryň teňňeleriň ýaşyny, gelip çykyşyny kesgitlemek, şeýle hem sebitiň şol döwürdäki durmuşy we söwda gatnaşyklary baradaky maglumatlary berip biljek nyşanlary ýa-da şekilleri ýüze çykarmak niýetleri bar.
