Amerikaly režissýor we ssenariýaçy Todd Heýns 2025-nji ýylda geçiriljek 75-nji Berlin film festiwalynyň halkara eminler toparyna ýolbaşçylyk eder. Bu barada Deadline neşiri habar berdi.
Heýns garaşsyz we arthaus kinosyndaky işleri bilen tanalýar. Berlinale-niň direktory Trişa Tattl Heýnsiň dünýäniň esasy film festiwallarynyň biriniň işine gatnaşmagynyň ähmiýetini belläp geçdi. Ol kino işgärini "ajaýyp zehinli ssenariýaçy we režissýor" hökmünde häsiýetlendirdi.
Tattl: “Onuň işi stil taýdan dürli-dürli we şol bir wagtyň özünde-de ýalňyşsyz hut onuň özüniň özüne degişli. Ilkinji çykan “Zäher” (“Яд”) filmi 1991-nji ýylda “Teddi” baýragyny alany bäri, Berlinale onuň döredijiligini yzarlaýar we gowy görýär, onuň 75-nji goýberilişde Halkara emin agzalarynyň başlygy hökmünde bu festiwala goşulandygyna begenýäris " - diýdi.
Todd Heýnsiň filmografiýasynda “Gaçybatalga” (“Убежище”), “Mahmal altyn damar” (Бархатная золотая жила) filmleri, Wenesiýa film festiwalynda eminleriň baş baýragyny alan, Bob Dilan hakyndaky “Ol ýerde men ýok” (“Меня там нет”) ýaly terjimehal dramasy, “Mildred Pirs” mini-serialy, şeýle hem "Kerol","Garaňky suwlar" we "Mahmal ýerzemin" (“The Velvet Underground”) filmleri bar.
Heýnsiň soňky eseri “Maý dekabr” dramasy 2023-nji ýylda çykdy. Filmde Natali Portman bilen Julianna Mur çykyş etdi. Ilkinji görkezilişi Kan film festiwalynda bolup geçdi, şondan soň film “Iň oňat ssenariý” kategoriýasynda “Oskar” baýragyna dalaşgär görkezildi.
