BMW awtoulaglarynyň dizaýnyna çemeleşmekde uly üýtgeşmeleri taýýarlaýar. Konsern dizaýn bölüminiň täze gurluşynyň döredilendigini habar berdi. Täze çemeleşme geçen ýyl hödürlenen Vision Neue Klasse düşünjesine laýyklykda nepislige we ýönekeýlige ünsi jemleýän modelleri döretmegi maksat edinýär diýip, 32Cars portaly habar berýär.
2025-nji we 2026-njy ýyllarda bazara çykjak Neue Klasse görnüşli wnedorožnik we sedan täzelenen görnüşde ýerine ýetirilen ilkinji modeller bolar.
BMW-niň täze dizaýn düşünjesi kompaniýanyň häzirki zaman tehnologiýasy bilen adaty stil elementleriniň arasyndaky deňagramlylyga ygrarlydygyny görkezýär. Awtoulaglaryň daşky görnüşi, täzelenen radiator panelini goşmak bilen, minimalizmi bilen häsiýetlendiriler. Interýeri ýönekeýligi we funksionallygy bilen häsiýetlener. Bu üýtgeşmeler estetikany we ulanyjy üçin amatlylygy ýokarlandyrmaga gönükdirilendir.
Tehnologiki nukdaýnazardan seredeniňde, Neue Klasse platformasy 800 woltlyk ulgam we ýokary kuwwatly batareýalar bilen üpjün ediler, bu bolsa öndürijiligi ýokarlandyrar we zarýad bermegi çaltlaşdyrar.
Geljekde awtoulaglaryň reňkini üýtgediji tehnologiýany ornaşdyrmak meýilleşdirilýär.
