Repçi Eminem baş keşbi Adam Sendleriň ýerine ýetirmegindäki “Bagtyýar Gilmor” (Счастливчик Гилмор) filminiň ikinji bölüminiň surata düşürilişine gatnaşar. Taslamanyň önümçiligi bilen Netflix meşgullanar diýip, The Sun neşiri habar berýär.
Çeşmeleriň maglumatyna görä, Eminem asyl filmiň köpden bäri muşdagy. Onuň gatnaşmagyndaky sahnalar 6-njy noýabrda Nýu-Jerside surata düşürildi. Filmde repçi Kid Cudi hem peýda bolar.
Eger Eminemiň gatnaşmagyndaky sahnalar ahyrky montaža goşulsa, bu onuň Sendler bilen filme ikinji gezek gatnaşmagy bolar. Mundan öň olar 2009-njy ýylda çykan režissýor Jad Apatouwyň “Wäşiler” (Приколисты) filminde bile peýda boldular.
Dennis Dugan tarapyndan düşürilen asyl “Bagtyýar Gilmor” komediýasy 1996-njy ýylda çykdy. Garaşylmadyk üstünlige ýeten golfçy baradaky film 10 mln dollar býujet bilen 41 mln dollar gazandy.
