Disney kompaniýasy 2025-nji ýylda Disney+ we Hulu akym platformalarynda çykjak geljekki taslamalardan kadrlar bilen mahabat wideosyny hödürledi. Bu barada Afişa Daily habar berýär.
Garaşylýan premýeralaryň arasynda meşhur “Aýy” (Медведь) serialynyň dördünji möwsümi, şeýle-de “Andor” (Андор) we “Daýanç topary” (Опорная команда) ýaly “Ýyldyz söweşleri” älemine esaslanýan täze seriallar bar.
Meýilnamada Noa Houli (“Fargo”, “Legion”) tarapyndan işlenip taýýarlanan “Keseki: Ýer” (Чужой: Земля) serialy hem bar. Sentýabr aýynda hödürlenen ilkinji tizer Ýerde gämisi heläkçilige uçranyndan soň ksenomorfa duşýan ýaş gyz we esgerler topary baradaky wakany görkezdi.
Marvel Studios iki serialy anons etdi: “Gözsüz batyr” (Сорвиголова) we “Demir ýürek” (Железное сердце). Bu taslamalaryň Marvel kinoälemini giňeltmegine we täze sýužetler hem personažlar bilen onuň üstüni ýetirmegine garaşylýar.
Mundan başga-da, tomaşaçylara “Hyzmatkäriň gürrüňi” (Рассказ служанки) serialynyň dowamy, “Çad Pauers” sport şouwy, Sterling K.Braunyň gatnaşmagynda “Paradise” serialy we “Goosebumps: The Vanishing” horrory garaşýar.
