14 – 16-njy noýabrda Aşgabatda Türkmenistanyň Söwda-senagat edarasynda “Türkmentel – 2024” atly XVII halkara sergisi we ylmy maslahat geçiriler. Bu foruma TmCars platformasy hem gatnaşar.
Serginiň çäklerinde TmCars onlaýn platformanyň täze mümkinçilikleri we hyzmatlary bilen tanyşdyrar. Ulanyjylary ýygy-ýygydan gyzyklandyrýan sowallara jogap berer. Şeýle hem TmCars-da öz biznesini gurmak isleýänlere internet söwdasy, haýsy mahabat gurallaryndan peýdalanmagyň has netijeli boljakdygy barada maslahatlaryny berer.
TmCars näme?
TmCars – bu tölegsiz bildiriş goýulýan, awtoulaglary we dürli görnüşli harytlary satmak, satyn almak, hyzmatlary hödürlemek üçin ähli amatly şertleriň döredilen ýeri ýada onlaýn meýdançasy.
Platformada satlyk ýa-da kärendesine berilýän jaýlardan başlap, iýmit hyzmatlaryna çenli, iş we işgär gözleýänlerden başlap, elektronika we öý hojalyk harytlaryna, ýitirilen we tapylan zatlara, garaz, adam durmuşynyň ähli ugurlaryna degişli diýen ýaly bildirişler ýerleşdirilýär.
Web saýt we mobil goşundy görnüşinde hereket edýän platformada mahabatlaryň üsti bilen ildeşlerimiz söwda nokatlarynda yglan edilen arzanladyşlar, amatly bahadan hödürlenilýän hyzmatlar barada hem maglumat alyp bilýärler.
2019-njy ýylyň martynda ykjam goşundyda HABARLAR bölümi açylyp, onda ýurdumyzyň we dünýäniň täzelikleri ulanyjylaryň dykgatyna ýetirilip başlandy.
TmCars-dan näçe adam peýdalanýar?
- TmCars ykjam goşundysy Google Play-den 1 MILLIONDAN gowrak gezek ýüklenip alyndy;
- Günüň dowamynda 10 MÜŇDEN gowrak bildiriş goýulýar;
- TmCars-da goýulýan bildirişler günde ortaça 20 MILLIONDAN gowrak gezek görülýär;
- Gündelik işjeň ulanyjylaryň sany 300 MÜŇDEN gowrak.
Bu sanlar yzygiderli artýar.
Türkmenistanda onlaýn hyzmatlary hödürlemekde ilkinjileriň hatarynda döredilen «TmCars» ykjam goşundysy, ilki, awtoulaglary satyn almak we satmak bildirişlerini goýmaga ýöriteleşdirilen bolsa-da, gysga wagtda onda ildeşlerimiziň satmak isleýän beýleki harytlaryny hem bildiriş edip goýmaga mümkinçilik döredildi.
TmCars barada has giňişleýin bilmek isleseňiz “Türkmentel-2024” sergisine geliň!
