Kolumbiýaly aýdymçy Şakira ýene bir gezek “Haýwanlar şäheri” ("Зверополис") multfilminiň ikinji bölüminde öz gahrymany Gazele ses berer. Bu barada Braziliýada geçirilen D23 festiwalynda Pixar-yň tanyşdyrylyş dabarasynda yglan edildi.
Aýdymçy keşbine gaýdyp geljekdigini habar beren ýörite wideo habary ýazgy etdi.
Şakira: “Men möhüm täzelikleri paýlaşmaga geldim. Taýynmy? Gazel “Haýwanlar şäheri 2-ä” gaýdyp gelýär! Bu gahrymanyň täze keşbi, täze aýdymy we täze tanslary bolar. Siziň göwnüňizden turjakdygyny bilýärin" - diýdi. Ol entek taslamanyň jikme-jikliklerini paýlaşyp bilmejekdigini aýtdy.
Şakira 2016-njy ýylda multfilmiň birinji bölüminde Gazele ses beripdi. “Haýwanlar şäheriniň” ikinji bölüminiň ilkinji görkezilişi 2025-nji ýylyň 26-njy noýabrynda bolar.
Şeýle hem Şakira geljek ýylyň 13-nji maýynda Demirgazyk Amerika syýahata ugrajakdygyny tassyklady. Syýahat wagtynda ol ýaňy-ýakynda çykan “Las Mujeres Ya No Lloran” albomynyň aýdymlaryny däl, eýsem öňki ýazgylarynyň esasy hitlerini hem hödürlär.
