“Wonkanyň” režissýory Pol King filmiň ikinji bölüminiň üstünde işläp başlandygyny we taslamanyň irki önümçilik tapgyryndadygyny habar berdi. Onuň aýtmagyna görä, awtorlaryň gyzykly bir wakasy bar we häzir deslapky ssenariýanyň ýarysy diýen ýaly taýýar.
“Biziň göwnümizden turan bir waka bar we biz ony nirä gönükdirmelidigini bilýäris. Belki, oňa nähilidir bir syýahaty goşmaga synanyşarys” – diýip, King belledi.
Režissýor filmiň reliziniň senesini aýtmady, ýöne ýakynda Warner Bros. relizleriň täzelenen tertibini hödürledi we onda 2027-nji ýylyň 17-nji dekabryna haýsydyr bir “atsyz maşgala filminiň dowamy” (Untitled WB Family Sequel) bellenipdir. Bu senäni hut “Wonkanyň” dowamynyň eýeläp biljekdigi çaklanylýar.
Birinji film Roald Dalyň “Çarli we şokolad fabrikasy” powestiniň prikweli boldy. Şalameden başga-da, oňa Hýu Grant, Oliwiýa Kolman, Salli Hokins, Kigen-Maýkl Ki we Rouen Atkinson gatnaşdy. Film 2023-nji ýylyň 15-nji dekabrynda prokata çykdy we 628 mln dollardan gowrak girdeji gazandy.
“Wonkanyň” we ikinji “Dýunanyň” üstünliginden soň, Timoti Şalame Warner Bros. bilen köpýyllyk şertnama baglaşdy. Bu studiýanyň onuň dalaşgärligini ileri tutjakdygyny aňladýar.
