Britaniýaly režissýor Ridli Skott bilen irlandiýaly aktýor Pol Meskal “Köpek ýyldyzlary boýunça” («По звездам пса») filmini surata düşürmek üçin ýene birleşýärler. Film Piter Helleriň adybir romanynyň esasynda düşürilýär.
15-nji noýabrda Beýik Britaniýada boljak “Gladiator 2-niň” ilkinji görkezilişinden soň, Skottuň we Meskalyň täze taslamany durmuşa geçirmäge başlajakdygy aýdylýar diýip, Variety habar berýär.
Film Skottuň kompaniýasy - Skott Free tarapyndan surata düşüriler, Smit bilen Kliff Robertson bolsa oňa prodýuserlik eder. Filmiň sýužeti raýat awiasiýasynyň “ýakyn geljekde boljak apokalipsis wagtynda” diri galmaga çalyşýan pilotynyň töwereginde ýaýbaňlanar. Ol Koloradodaky taşlanan bazada diňe itini we deňiz pyýada goşunynyň öňki esgerini hemra edinip ýaşaýar.
Film 2025-nji ýylyň ýazynda surata düşürilip başlanar we ilkinji görkezilişi 2026-njy ýylda bolar.
