Italiýada “Towşan adam” («Человек-кролик») atly super gahrymanly film surata düşürilip başlanýar. Filmde boksçy Maýk Taýson, amerikaly aktýor Jeýms Frank we italýan aktýory, “Jango” («Джанго») spagetti-westerniniň ýyldyzy Franko Nero oýnar.
Geljekki filmiň sýužeti towşanyň nikabynda erbet güýçlere garşy göreşýän anonim multimillioner-super gahrymana bagyşlanýar diýip, Deadline ýazýar. Ol aýal doganynyň aryny almak isleýär.
Filme Andrea Ierwolino (“Ferrari”, “Lamborgini: rowaýaty adam”) prodýusserlik eder, şeýle-de, baş keşpde hem onuň özi oýnar.
Film trilogiýanyň ilkinji filmi bolar.
“Towşan adamyň” super gahrymanlar hakdaky pikirlerimizi üýtgetjekdigine ynanýaryn. Bu gahryman, diňe bir özi hakdaky hekaýatda däl, eýsem tomaşaçylaryň oňa bolan garaýşynda-da syry we döwrebaplygy özünde jemleýär. Ilkinji super gahrymanly italýan franşizasyna prodýusserlik etmek mertebedir we onuň dünýä bazarynda ýatdan çykmajak yz galdyrjakdygyna ynanýaryn "- diýip Ierwolino habar berdi.
Film noýabr aýynyň ortalarynda Italiýada surata düşürilip başlanar. Filmiň ep-esli bölegi wirtual giňişlikde surata düşüriler. Filmiň režissýorynyň kimdigi we ekranlara haçan çykjakdygy entek belli däl.
