A24 kinokompaniýasy baş keşbi Timoti Şalameniň ýerine ýetirmeginde “Beýik Marti” (Марти величайший) filminiň önümçiligine rekord mukdarda serişde sarp etdi diýip, Deadline habar berýär. Stol tennisi boýunça tanymal oýunçy baradaky film, takmynan, 70 mln dollara düşdi – bu guramanyň taryhynda iň ýokary býujetdir.
Öň, A24 studiýasynyň iň gymmat filmi režissýor Aleks Garlendiň “Imperiýanyň ýykylmagy” (Падение империи) trilleridi. Onuň býujeti 50 mln dollar boldy, prokatyň netijesinde lenta 126 mln dollardan gowrak girdeji gazandy. Žurnalistler kinokompaniýanyň birnäçe ýyl ozal özüni garaşsyz filmleri prokata goýberiji hökmünde görkezen bolsa-da, häzir öz filmleriniň býujetini artdyrmagy dowam etdirýändigini belleýär.
“Beýik Marti” filmi iň meşhur we köp titully ping-pong oýunçylarynyň biri Marti Reýsman barada gürrüň berer. Onuň wakalary 1950-nji ýyllarda ýaýbaňlanýar, film üçin ylham çeşmesi bolup “Başarsaň, tut meni” (Поймай меня, если сможешь) we “Uoll-strit möjegi” (Волк с Уолл-стрит) lentalary hyzmat etdi.
