Angliýaly Jonatan Nidhem Beýik Britaniýa adasynyň şekiline meňzeýän altyn bölejigini tapdy. 10 gramlyk altyn bölejigi Staffordşir we Derbişir sebitlerinde tapyldy diýip, Daily Mail habar berýär.
Jonatan altyn bölejiginiň tebigy ýagdaýda emele gelendigine ynanýar. Angliýada tebigy altynyň tapylmagy seýrek ýagdaýdyr.
Nidhem altynyň gelip çykyşyny tassyklamak üçin ony barlaga berdi. Hünärmenler altynyň häzirki bazar bahasyny 800 funt sterling diýip çaklaýarlar. Eger altyn eredilmegiň netijesinde däl-de, tebigy ýagdaýda emele gelen bolsa, onuň bahasy ep-esli ýokarlanar.
Angliýanyň hazynalar babatda kanunyna laýyklykda, taryhy ýa-da medeni ähmiýete eýe bolup biljek ähli tapyndylar, gözlegçileriň we muzeýleriň öwrenmegi we zerur bolan ýagdaýynda jemgyýetçilik kolleksiýalary üçin 14 günüň içinde hasaba alynmalydyr.
Nidhemiňki ýaly açyş taryhy tapyndylary gorap saklamagyň möhümdigini görkezýär we geçmişiň täze sahypalaryny açyp, has köp gözleglere ylham berýär.
