Oregon uniwersitetiniň alymlary on ýyllyk barlaglardan soň, adamyň sitomegalowirus (HCMV) wirusynyň esasynda AIW-e garşy sanjymyň prototipini döretdiler.
Science Immunology žurnalynda çap edilen barlagda AIW-e garşy sanjymyň dörediliş prosesi beýan edilýär.
Alymlar topary HCMV-iň adamlarda AIW wirusyna garşy netijeli göreşip bilýän T-öýjükli reaksiýa berýändigini anyklady. Barlagçylar islenilýän netijäni gazanmak üçin immunitet ulgamyny işjeňleşdirmegiň açary bolup çykan 41 dalaşgärden birini saýlap, HCMV-iň birtopar genini öçürdiler. Bu ösüş diňe bir AIW ýokanjyndan goramak üçin täze mümkinçilikleri açmak bilen çäklenmeýär. Ony gyzzyrma we rak ýaly, beýleki kesellere garşy hem ulanmak mümkin bolup biler. Dermanyň şeýle giň täsiri sanjymyň immunitet ulgamyny üýtgeşik güýçli we nyşana alyjy edýändigi bilen baglanyşyklydyr.
Indi alymlar sanjymy ilkinji kliniki synaglara taýýarlaýarlar.
Häzirki wagtda AIW ýokaşan adamlar adaty durmuşda ýaşamak üçin yzygiderli wirusa garşy bejergi almaly bolýarlar. Bu diňe bir gymmat düşmän, eýsem ygtybarly hem däldir: keseli birneme ötüşdirseň, wirus “oýanyp başlaýar”. Täze sanjym işlenip taýýarlansa, bu meseläni çözüp bilerdi.
